70 высланых дыпламатаў РФ пакінулі Балгарыю
15- 4.07.2022, 12:58
- 5,566
Гэта стала самай вялікай высылкай расейскіх дыпламатаў з 1971-га года.
Два расейскія ўрадавыя самалёты ўзялі на борт 70 высланых з Балгарыі дыпламатаў і іх сем'і ў нядзелю і вылецелі з Сафіі ў Маскву, піша «Еўрапейская праўда» са спасылкай на Euractiv.
Са звестак балгарскай прэсы, агульная колькасць пасажыраў, якія пакінулі краіну, складае больш за 180 чалавек.
У мінулы чацвер Балгарыя абвясціла персонамі нон грату 70 расейскіх дыпламатаў, што стала самай вялікай высылкай з таго часу, як Вялікабрытанія выслала 105 савецкіх дыпламатаў падчас халоднай вайны ў 1971 годзе.
Як паведамляецца, не ўсе 70 высланых з'яўляюцца дыпламатамі, некаторыя з іх з'яўляюцца тэхнічным персаналам, такім як кухары, кіроўцы ці садоўнікі.
Сярод высланых расейскіх дыпламатаў, якія адправіліся ў Маскву, быў і другі нумар расейскага пасольства Філіп Васкрасенскі, які заявіў, што ніводны з расейцаў «высланыя незаконна, нахабна» не працаваў супраць Рэспублікі Балгарыя.
«Ніхто не можа сапсаваць расейска-балгарскія стасункі, ніхто», - сказаў Васкрасенскі, выступаючы ў аэрапорце.