На Запарожжы расейцы ладзяць фальшывыя баі, каб іх не адправілі на перадавую

Кожны вечар яны імітуюць баявыя сутыкненні з УСУ.

У Запарожскай вобласці акупанты пасяліліся ў санаторыях на акупаванай тэрыторыі і ладзяць "баі" нібы з украінскімі абаронцамі. Пасля такіх фальшывых "сутыкненняў" яны атрымліваюць новыя боекамплекты і ўзнагароды за ўдзел у баявых дзеяннях. Пра гэта паведаміла ўкраінская выведка, заявілі ў Запарожскай АВА.

Акупанты адпачываюць у санаторыі з відам на Кахоўскае вадасховішчы паблізу Энэргадара. Яны ўвасабляюць у жыццё свой падступны план, які дапамагае ім стаць "героямі спецаперацыі" і не загінуць на вайне.

"Акупанты кожны вечар імітуюць баявыя сутыкненні з падраздзяленнямі Узброеных Сіл Украіны. Падчас такіх агнявых сутыкненняў названае падраздзяленне расейцаў "знішчае" ДРГ украінцаў, іх плывучыя сродкі і БПЛА. Пра гэта яны з гонарам рапартуюць у сваіх дакладах. Такія паводзіны акупантаў тлумачыцца тым, што вядзення імі такой "гераічнай" абароны сваіх пазіцый рэзка змяншае шансы выкарыстання іх падраздзялення на лініі баявога сутыкнення, дзе іх чакае сапраўдны агнявы кантакт з падраздзяленнямі УСУ і "гераічная" смерць", — гаворыцца ў паведамленні.