Украінскі генерал назваў тэрміны пералому на Данбасе

Што неўзабаве зменіцца?

Ход баявых дзеянняў на ўсходзе Украіне зменіцца найбліжэйшы тыдзень-паўтара пасля атрымання УСУ новай порцыі заходняй вайсковай дапамогі.

Такі прагноз агучыў экс-кіраўнік Службы замежнай выведкі Мікалай Маламуж, піша "Сегодня".

"Мы пастаўляем новыя рэзервы, яны ўжо паступаюць літаральна ў апошнія дні. І найноўшая тэхніка. Яна яшчэ не ўся паступіла, але ў найбліжэйшы тыдзень-паўтара з ЗША, Вялікабрытаніі, краін Еўропы будзе паступаць. Асабліва важна - гэта ракетныя сродкі, якія былі пад сумневам... Як "Ураганв", напрыклад, "Смерчы" - такога кшталту мы будзем мець сродкі", - заявіў Маламуж.

Паводле ягонага прагнозу, украінскія абаронцы атрымаюць магчымасць знішчаць усялякія цэлі.

"Каля Севераданецка, Краматорска, Лісічанска, па ўсіх кірунках трас, якія яны зараз спрабуюць перакрываць, па іншых кірунках - Херсонскі, Харкаўскі, дзе мы можам паражаць усю сістэму дальнабойнай артылерыі, усе ракетныя сродкі - і "Смерчы", і "Ураганы", і іншыя магутныя сістэмы, якія працуюць па нашых войсках і знішчаюць нашы гарады. Тут мы можам наносіць наймагутнейшыя ўдары, іх знішчаць, а пасля гэтага праводзіць вельмі магутныя контратакі або тактычныя наступальныя аперацыі", - растлумачыў ён.

Маламуж адзначае, што пералом у вайне дазволіць выявіць сваю сілу ўкраінскім спецпадраздзяленням. Сярод іншага сілам хуткага рэагавання.

"Гэта можа быць Севераданецк, Данецкі кірунак, Херсонскі кірунак, Ізюмскі кірунак. Цяпер якраз той пік, калі могуць даць, перш, вельмі магутны адпор ворагу, з другога боку - даць падставу, каб мы пачалі наступальныя аперацыі", - заявіў ён.