Forbes: ФБР сарвала спробу замаху на Джорджа Буша-малодшага
- 24.05.2022, 20:08
- 6,058
Зламыснік выношваў план забойства экс-прэзідэнта ЗША з 2021 года.
Федэральнае бюро расследаванняў (ФБР) ЗША прадухіліла спробу забойства былога прэзідэнта ЗША Джорджа Буша-малодшага. Пра гэта паведаміла выданне Forbes.
Згодна з публікацыяй выдання, спецслужбы выйшлі на меркаванага арганізатара замаху і сталі сачыць за ягонай перапіскай у мэсэнджары. Атрымалася высветліць ягоную асобу: гэта выхадзец з Ірака, які жыве ў штаце Агаё. У ЗША іракец прыбыў у 2020 годзе.
Зламыснік выношваў план забойства Буша з 2021 года. Ён ездзіў у Далас (Тэхас), дзе запісаў на відэа дом экс-прэзідэнта. Акрамя таго, падазроны хацеў дапамагчы суайчыннікам перабрацца ў ЗША, каб яны разам учынілі злачынства.