Кулеба назваў чатыры літары, якія могуць дапамагчы Украіне ў вайне супраць РФ
7- 24.05.2022, 19:20
- 17,328
Што патрабуецца Кіеву?
Амерыканскія рэактыўныя сістэмы залпавага агню (РСЗА) MLRS могуць дапамагчы Украіне адбіць наступ РФ, а таксама прадухіліць глабальны харчовы крызіс.
Такое меркаванне 24 траўня ў Twitter выказаў кіраўнік МЗС Украіны Зміцер Кулеба.
«Чатыры літары могуць дапамагчы Украіне: адбіць наступ расейцаў на Данбасе; сарваць планы Расеі ў анэксіі Херсона; спыніць расейскія катаванні, згвалтаванні ды іншыя жудасныя парушэнні правоў чалавека на акупаваных тэрыторыях; разблакаваць экспарт і прадухіліць глабальны харчовы крызіс. Гэтыя чатыры літары – MLRS», – напісаў Кулеба.
Four letters can help Ukraine:
— Dmytro Kuleba (@DmytroKuleba) May 24, 2022
-repel Russian offensive in the Donbas
-foil Russian plans to annex Kherson
-stop Russian torture, rape, and other horrific human rights abuses in the occupied territories
-unblock exports and avert global food crisis
These four letters are: MLRS.
Кіраўнік МЗС заклікаў паскорыць пастаўкі зброі і боепрыпасаў ва Украіну.
«Занадта рана рабіць выснову, што ва Украіны ўжо ёсць усё неабходнае ўзбраенне. Наступ Расеі на Данбасе – гэта жорсткая бітва, найбуйнейшая на еўрапейскай зямлі з часоў Другой сусветнай вайны», – адзначыў Кулеба.
Паводле ягоных словаў, больш за ўсё Украіна цяпер мае патрэбу ў MLRS, дальнабойнай артылерыі і БТР.
