25 сакавiка 2023, Субота, 0:37
Сім сім, Хартыя 97!
Рубрыкі

Байцы ўкраінскай Нацгвардыі ліквідавалі крылатую ракету РФ з кулямёта і аўтаматаў

8
Байцы ўкраінскай Нацгвардыі ліквідавалі крылатую ракету РФ з кулямёта і аўтаматаў

Удалую аперацыю правялі воіны 27-й Пячэрскай брыгады.

Украінскія вайскоўцы падчас расейскага масаванага абстрэлу ў панядзелак збілі крылатую ракету Х-101. Ракету ўдалося збіць з буйнакалібернага кулямёта і аўтаматаў, паведамляе прэс-служба Нацгвардыі Украіны.

Расейскую ракету ліквідавалі байцы мабільнай агнявой групы гвардзейцаў 27 Пячэрскай брыгады.

«Збіць ракету, якая ішла на нізкай вышыні, удалося з буйнакаліберных кулямётаў і абстрэлам з аўтаматаў», — гаворыцца ў паведамленні.

У прэс-службе дадалі, што агнявыя разлікі Нацгвардыі створаныя для супрацьдзеяння ўдарам з паветра, у тым ліку для знішчэння расейскіх ракет і дронаў-камікадзэ.

«У спалучэнні з эфектыўнай работай падраздзяленняў ППА гэта дае магчымасць павялічваць вынік збівання паветраных цэляў і тым самым захаваць аб'екты інфраструктуры і жыцці нашых грамадзян», - дадалі ў прэс-цэнтры.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».