30 траўня 2024, Чацвер, 22:58
Падтрымайце
сайт
Сім сім,
Хартыя 97!
Рубрыкі

У Варшаве пройдзе святая імша з нагоды Дня дапамогі касцёлу на Усходзе

1
У Варшаве пройдзе святая імша з нагоды Дня дапамогі касцёлу на Усходзе
Фота: wikipedia

Пачатак - 10 снежня а 13.00 у касцёле святога Аляксандра на плошчы Трох Крыжоў.

У касцёле святога Аляксандра на плошчы Трох Крыжоў у Варшаве, у суботу, 10 снежня, а 13-й гадзіне адбудзецца святая імша з нагоды Дня дапамогі касцёлу на Усходзе, якую ўзначаліць кардынал Казімір Ныч. На яе таксама будуць запрошаныя польскія святары, якія ў розныя гады працавалі ў Беларусі. На ўрачыстасцях будзе прысутнічаць пасол Польшчы ў Беларусі Артур Міхальскі.

Пасля літургіі адбудзецца канцэрт.

Сайт Charter97.org публікуе праграму мерапрыемства:

- Вакальны гурток «Гаёўкі» ад Школы беларускай традыцыйнай культуры ў Варшаве пад кіраўніцтвам Лізаветы Рэут.

- Дуэт ZnakStop, які быў вымушаны з'ехаць з Беларусі і цяпер працягвае сваю дзейнасць у Польшчы. Раней вядомы як Laudans.

- Хор Concordia з Менска, цяпер выступае ў Варшаве. Выконвае творы сучасных беларускіх кампазітараў. Кіраўніца хору - Галіна Казіміроўская.

Вядоўца праграмы - Вітаўт Сіўчык, вядоўца тэлеканала «Белсат».

На заканчэнне ў доме парафіяльным адбудзецца салодкі пачастунак для ўсіх.

Арганізатары адзначаюць, што гэта гістарычная падзея для беларускай каталіцкай грамады, таму варта ўзяць удзел у сустрэчы.

Напісаць каментар 1

Таксама сачыце за акаўнтамі Charter97.org у сацыяльных сетках