5 лютага 2023, Нядзеля, 23:11
Сім сім, Хартыя 97!
Рубрыкі

Новыя «катлы» для войска РФ: якія тэрыторыі УСУ вызваляць да Новага года

1
Новыя «катлы» для войска РФ: якія тэрыторыі УСУ вызваляць да Новага года

Украінскае войска атрымала стратэгічную перавагу на полі бою.

Украінскае войска мае стратэгічную перавагу на полі бою. Да Новага года УСУ могуць вызваліць часова акупаваныя тэрыторыі Херсонскай і Запарожскай абласцей.

Палкоўнік запасу УСУ і ваенны экспэрт Раман Світан адзначыў, што пры ўмове паспяховага ўдару па Крымскім мосце расейскія акупанты, якія знаходзяцца ў Херсонскай вобласці і на паўвыспе, апынуцца ў «катле». Пры гэтым ён мяркуе, што байцы УСУ могуць біць па лагістычным ланцужку паміж Херсонскай вобласцю і Крымам.

«У нас вельмі добрыя стратэгічныя пазіцыі. Таму Запарожскую, Херсонскую і, магчыма, Крым мы ўжо можам пачаць вызваляць яшчэ да Новага года. Прынамсі, можам на працягу снежня падысці да Крыма - да аднаго з пераходаў да Арабатскай стрэлкі, Чангару або Перакопу», - распавёў экспэрт у каментары «24 каналу».

Таксама Світан адзначыў, што адным з кірункаў, куды з-пад Сватава могуць рухацца ўкраінскія абаронцы, з'яўляецца Шчасце. Паводле ягоных слоў, у гэтым выпадку УСУ вызваляць поўнач Луганскай вобласці і выйдуць на Луганск, а далей ужо трэба рухацца ў бок Расейскай Федэрацыі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».