6 лютага 2023, панядзелак, 22:42
Сім сім, Хартыя 97!
Рубрыкі

«Узнікае пытанне: а што ўзамен за гэтыя «райскія ільготы?»

2
«Узнікае пытанне: а што ўзамен за гэтыя «райскія ільготы?»
ФОТА: THINKSTOCK

Эканаміст распавёў аб пазыковых абавязаннях рэжыму Лукашэнкі.

У Расеі прынялі закон аб пераносе выплат за крэдыты для Беларусі на 1,4 млрд даляраў з 2022-2023 года на 2028-2033 гады і змяненні адсоткавай стаўкі.

- У сувязі з гэтым узнікае толькі два пытанні. Першае - што ўзамен за гэтыя райскія льготы? І другое — ці не атрымаецца тут, як у вядомай прыпавесці: альбо ішак здохне, альбо падышах памрэ да таго часу? - адзначыў у экспрэс-каментары «Салідарнасці» эканаміст, сябра палітрады Аб'яднанай грамадзянскай партыі Леў Марголін. - Калі не ўлічваць гэтых двух пытанняў, то гэта вельмі добрыя ўмовы для Беларусі.

Але гэта не роўна спісанню. Аб спісанні гаворка не ідзе, бо падышахі паміраюць, але на іх месца прыходзяць іншыя, якія чамусьці не хочуць забываць, што ім нешта былі вінныя. Бо гэта толькі здаецца, што 5-6 гадоў - гэта доўга. Напраўду яны праляцяць вельмі хутка.

У чым сэнс крэдытаў? Мяркуецца, што прадпрыемства або краіна, атрымаўшы крэдыт і належным чынам яго інвеставаўшы, павялічыць аб'ём вытворчасці, рэнтабельнасць і атрымае дадатковыя сродкі, каб разлічыцца з гэтым крэдытам і далей жыць прыпяваючы.

Улічваючы наш папярэдні досвед, ёсць сумневы ў тым, што наша дзяржава зможа правільна выкарыстоўваць гэтыя крэдыты і атрымае нейкі адчувальны вынік.

Суразмоўца ўдакладняе, што ў гэтым выпадку ўсім акурат зразумела, на што будуць накіраваныя расейскія грошы, і што за іх выдачу запатрабуюць ад беларускага боку. Ён не выключае, што ў будучыні з выплатай гэтага крэдыту могуць узнікнуць праблемы.

- Ці павінны будуць улады новай Беларусі выплачваць гэту пазыку? Кожная нявыплата пазыкі называецца дэфолт. Ці мае новая ўлада права на дэфолт, будуць разбірацца міжнародныя інстанцыі.

Умоўна кажучы, новая Расея падасць у нейкі арбітражны суд (звычайна гэта агаворваецца ў дамове), і далей будзе бачна, ці ёсць нейкія форс-мажорныя абставіны ці не.

Ці можна будзе даказаць неправамернасць з прававога пункту гледжання, цяжка прагназаваць. Што тычыцца расейскага боку, то там усё абсалютна законна, паколькі ўлада легітымная, ніхто яе нелегітымнай не лічыць.

Што тычыцца нашай улады, напэўна, могуць узнікнуць пытанні, - мяркуе Марголін.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».