2 лютага 2023, Чацвер, 18:19
Сім сім, Хартыя 97!
Рубрыкі

Пуціна пастанавілі ліквідаваць

17
Пуціна пастанавілі ліквідаваць

Гэта адбудзецца пасля вызвалення Украінай Крыма.

Чуткі аб тым, што ЗША будуць неяк «перашкаджаць вызваленню Крыма», каб не правакаваць Крэмль на прымяненне ядзернай зброі, малаімаверныя. З'яўленне УСУ на паўвыспе цалкам адпавядае інтарэсам Вашынгтона.

Такое меркаванне выказала расейская журналістка і гісторык Юлія Латыніна ў інтэрв'ю Наталлі Улашчанцы.

Яна адзначыла, што ЗША надаюць Украіне дастаткова ваеннай дапамогі для перамогі ў вайне. Ёсць толькі адзін нюанс - гэтую перамогу амерыканцы хочуць расцягнуць у часе, нягледзячы на пакуты народа Украіны. Такая тактыка Вашынгтона.

«Зброі пастаўляецца дастаткова, прыстойна. І, мяркуючы з таго, якога памеру гэтыя пастаўкі, яны для таго, каб даць Украіне перамагчы. Не саступіць, а менавіта перамагчы. Іншая рэч, што амерыканцы, здаецца, надумалі варыць жабу павольна, каб яна не выскачыла і не выкарыстала ядзерную зброю. Гледзячы на тое, як пастаўляецца (узбраенне - рэд.) і паволі ўсё гэта нарастае, у мяне зніклі апошнія сумневы, што яны прынялі пастанову Пуціна душыць», - распавяла журналістка.

Яна ўдакладніла, што «душыць» Пуціна ЗША маюць намер апасродкавана. «Улічваючы, што ні УСУ, ні NАТО не ўвойдуць у Маскву, задушыць Пуціна можна рукамі ягоных суўдзельнікаў… Пуціна, калі і задушаць, то толькі ягоныя суўдзельнікі з якімі потым давядзецца дамаўляцца. Каб гэта адбылося, Пуцін павінен пацярпець радыкальную ваенную паразу, гэта значыць страціць Крым», - падзялілася меркаваннем Латыніна.

Яна ўдакладніла, што дэакупацыя ўкраінцамі Крыма цалкам адпавядае стратэгічнай мэце Вашынгтона для ўзмацнення сусветнай бяспекі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».