РФ прызнала выбухі на авіябазах у Энгельсе і Разані
41- 5.12.2022, 21:28
- 42,980
Ядзерныя авіябазы РФ трапілі пад прыцэл УСУ.
Міністэрства абароны Расеі прызнала, што на вайсковых аэрадромах у Энгельсе і Разані за сотні кіламетраў ад лініі фронту раніцай 5 снежня адбыліся выбухі.
У заяве расейскага міністэрства гаворыцца, што ўдар быў нанесены беспілотнымі лятальнымі апаратамі савецкага вырабу, нібыта выпушчанымі Украінай.
Сцвярджаецца, што яны былі збітыя сродкамі супрацьпаветранай абароны, але ў выніку падзення адломкаў і выбуху на зямлі загінулі трое вайсковых тэхнікаў, яшчэ чацвёра былі шпіталізаваныя. Таксама выбух "пашкодзіў ашалёўку корпуса" двух самалётаў, сцвярджае міністэрства абароны РФ.
На вайсковых расейскіх аэрадромах у Энгельсе і Разані базуюцца стратэгічныя бамбавікі Ту-95МС, Ту-160, Ту-22М3, якія Расея выкарыстоўвае для абстрэлаў Украіны.
Спадарожнікавыя здымкі, апублікаваныя ў Twitter кампаніі Maxar Technologies, сведчаць аб тым, што напярэдадні выбухаў там знаходзіліся некалькі дзясяткаў самалётаў - збольшага Ту-95 і Ту-60.
Satellite imagery from Dec 3 & 4, 2022, of Engels air base, #Russia (before reports of explosions at the base), showing recent military activity at & near the airfield which houses a heavy bomber aviation unit, primarily comprised of Tu-95 (Bear) & Tu-60 (Blackjack) bombers. pic.twitter.com/6MvyY8R14N
— Maxar Technologies (@Maxar) December 5, 2022