Гурт Naviband выступіў перад святой Імшой для беларусаў Варшавы

Дуэт выканаў калядныя песні і свой апошні трэк.

Дуэт Naviband выступіў з каляднымі песнямі ў ноч на 25 снежня перад вігілійнай святой Імшой і пасля яе для беларусаў-каталікоў Варшавы.

Музыкі праспявалі, у тым ліку, «Ціхую ноч», «Алілуя» Леанарда Коэна, таксама выканалі свой апошні трэк «Свяці».

Падчас Імшы салістка гурта Ксенія Жук спявала ў касцельным хоры.

Нагадаем, Naviband – музычны калектыў з Менска, прадстаўнік Беларусі на «Еўравізіі-2017». Цяпер вымушана знаходзіцца ў эміграцыі.