Украінскія вайскоўцы знайшлі старажытнарымскае паселішча, калі капалі акопы ў Херсонскай вобласці

Фота.

Памежнікі знайшлі рэшткі старажытнарымскага паселішча ў Херсонскай вобласці, калі будавалі ўмацаванні на беразе Дняпра.

Пра гэта паведамляе прэс-служба ДСНС.

«У Херсонскай вобласці падчас уладкавання фартыфікацыйных збудаванняў на ўзбярэжжы Дняпра памежнікі натыкнуліся на рэшткі старажытнарымскага паселішча. На глыбіні блізу метра пачалі з'яўляцца аскепкі амфараў і збаноў», – гаворыцца ў паведамленні.

Пра знаходку вайскоўцы паведамілі мясцовым археолагам. Далейшыя інжынерныя працы там не праводзіліся, каб захаваць каштоўныя артэфакты.

«Пасля перамогі тут будзе працаваць археалагічная экспедыцыя», – дадалі памежнікі.