Адваката Сяргея Ціханоўскага пазбавілі ліцэнзіі

Ён не зможа наведваць палітвязня ў калоніі.

Адвакат Віктар Мацкевіч, які бараніў палітвязня Сяргея Ціханоўскага, пазбаўлены ліцэнзіі. Гэта значыць, што ён не зможа наведваць палітвязня ў калоніі і перадаваць яму навіны ад блізкіх, паведамляе euroradio.fm.

Учора таксама стала вядома, што без ліцэнзіі застаўся адвакат Уладзімір Пыльчанка, які абараняў інтарэсы палітвязняў Марыі Калеснікавай і Эдуарда Бабарыкі.