Нямеччына дала новы пакет дапамогі для УСУ
3- 1.12.2022, 20:19
- 8,222
Gepard і надводныя дроны.
Нямеччына дала новы пакет дапамогі Узброеным сілам Украіны. У яго ўвайшлі сем зенітных установак Gepard.
Пра гэта паведамляе прэсавая служба ўрада Нямеччыны.
Нямеччына найбліжэйшым часам перадасць Украіне новы пакет вайсковай дапамогі. У яго ўвайшло наступнае:
7 зенітных установак Gepard;
100 000 аптэчак;
3 панцырныя мастаўкладныя машыны BIBER;
8 надводных беспілотнікаў;
12 памежных аўтамабіляў;
4 тысячы спальных мяхоў;
30 аўтамабіляў хуткай дапамогі.
Таксама Украіне перададуць запасныя часткі, якія патрэбныя для рамонту гелікаптэраў Мі-24.
Адна частка тэхнікі будзе пастаўляцца са складоў бундэсвера, а другая частка - ад прамысловасці, што фінансуюцца са сродкаў ініцыятывы ўрада аб мадэрнізацыі. У нямецкім урадзе падкрэслілі, што з меркаванняў бяспекі не будзе паведамляцца інфармацыя аб спосабах і тэрмінах дастаўкі ўзбраення.