УСУ пад Бахмутам перайшлі ў контрнаступ пры падтрымцы авіяцыі

Войскі РФ выбітыя адразу з двух кірункаў.

Паводле інфармацыі ад украінскіх крыніц, УСУ пры падтрымцы авіяцыі і артылерыі перайшлі ў контрнаступ паўднёвей ад Бахмута ў двух кірунках.

Расейскія войскі ўдалося выбіць з Вопытнага і заняць частку Іванграда на поўдзень ад горада, адціснуўшы УС РФ і ПВК на два кіламетры. Таксама УСУ адкінулі расейскія падраздзяленні ад асфальтабетоннага завода.

Пра гэта паведамляе шэраг украінскіх СМІ, у тым ліку вайсковы тэлеграм-канал «Воля» са спасылкай на ўласныя крыніцы.

«Толькі што мы атрымалі пацвярджэнне гэтых навін ад крыніц у ПВК і ў УС РФ. Як мы пісалі напярэдадні ў справаздачы, расейскія фармаванні пад Бахмутам былі абяскроўленыя сталымі штурмамі ўкраінскіх пазіцый», - адзначана ў паведамленні.

Больш за тое, калі УСУ атрымаецца ўтрымаць Вопытнае, асфальтабетонны завод і канчаткова заняць Іванград, то расейскія вайскоўцы апынуцца ў цяжкай сітуацыі і страцяць тыя ж самыя пазіцыі, за якія ўпарта і з вялікімі стратамі біліся ўвесь лістапад.

Украінскі Генеральны штаб пакуль ніяк не каментуе сітуацыю, адзначаючы толькі захаванне складанай абстаноўкі.