Кіраўнікі МЗС сямі еўрапейскіх краін прыбылі ў Кіеў
3- 28.11.2022, 15:29
- 8,494
Гэта самая вялікая група міністраў, якія наведалі Украіну ад пачатку расейскай агрэсіі.
У панядзелак, 28 лістапада, у Кіеў прыбылі кіраўнікі МЗС сямі краін Еўропы - Эстоніі, Фінляндыі, Ісландыі, Латвіі, Літвы, Нарвегіі і Швэцыі.
Пра гэта паведаміў міністр замежных спраў Латвіі Эдгар Рынкевіч у сваім Twitter.
З ягоных слоў, самая вялікая група міністраў з пачатку поўнамаштабнага ўварвання РФ ва Украіну прыехала, каб падтрымаць Кіеў і ўкраінцаў.
«Міністры замежных спраў краін Паўночнай Балтыі наведваюць Кіеў і сустракаюцца з вышэйшымі службовымі асобамі Украіны. Гэта самая вялікая група міністраў, якія наведалі Украіну ад пачатку расейскай агрэсіі. Галоўнае пытанне, як далей падтрымліваць Украіну», - адзначыў Рынкевіч.
Ён таксама апублікаваў супольнае з калегамі фота.
Ziemeļu Baltijas valstu ārlietu ministri apmeklē Kijivu un tiekas ar Ukrainas augstākajām amatpersonām, tā ir lielākā ministru grupa, kas kopš Krievijas agresijas sākuma apmeklē Ukrainu. Galvenais jautājums, kā vēl vairāk atbalstīt Ukrainu 🇱🇻🇪🇪🇱🇹 🇫🇮 🇮🇸 🇳🇴 🇸🇪 🤝 🇺🇦
— Edgars Rinkēvičs (@edgarsrinkevics) November 28, 2022
📷M.Mikulenas pic.twitter.com/BOeby9VXeN