Названы 10 краін з наймацнейшымі нацыянальнымі брэндамі
12- 26.11.2022, 16:58
- 7,992
На першым месцы рэйтынгу - Нямеччына.
Нямеччына зноў узначаліла рэйтынг краін як нацыянальных брэндаў. Нямеччыну прызнавалі краінай з самым высокім рэйтынгам ужо сем разоў у перыяд з 2008 да 2021 года, паведамляе «Еўрапульс».
Рэйтынг Anholt-Ipsos Nation Brands Index (NBI) штогод з дапамогай апытанняў вывучае рэпутацыю краін свету.
NBI ацэньвае нацыянальныя брэнды па шасці параметрах: водгукі аб таварах і паслугах краіны, ацэнка дзеянняў нацыянальнага ўрада, успрыманне культурнай спадчыны краіны і рэпутацыя яе жыхароў у свеце, узровень зацікаўленасці ў наведванні краіны і яе здольнасць прыцягнуць людзей жыць, працаваць ці вучыцца там.
Наймацнейшыя рэпутацыйныя перавагі Нямеччыны былі ў катэгорыях: экспарт, іміграцыя і інвестыцыі, кіраванне і культура. Ва ўсім свеце станоўча ставяцца да пакупкі нямецкіх тавараў, прывабнасці інвестыцый у нямецкі бізнэс і магчымасці працаўладкавання ў Нямеччыне.
10 краін з наймацнейшымі нацыянальнымі брэндамі
1. Нямеччына
2. Японія
3. Канада
4. Італія
5. Францыя
6. Вялікая Брытанія
7. Швейцарыя
8. ЗША
9. Швецыя
10. Аўстралія
Адзначым, што Расея сёлета заняла 58-е месца з 60-ці.