ЗША перададуць Украіне 200 бронетранспарцёраў MRAP MaxxPro
9- 6.10.2022, 17:27
- 17,568

Што пра іх вядомае.
4 кастрычніка прэзідэнт ЗША Джо Байдэн абвясціў пра новы пакет вайсковай дапамогі для Украіны, у які ўвайшлі 200 адзінак панцырных транспартных сродкаў MaxxPro, піша НВ.
MRAP MaxxPro - гэта супрацьмінны бронетранспарцёр, абаронены ад стралковага агню з засад. Тэхніка распрацаваная амерыканскай кампаніяй Navistar Defense, пачала выпускацца ў 2007 годзе. Адзін баявы аўтамабіль важыць 14,5 тон, можа развіваць хуткасць да 105 км/г і мае запас ходу 600 км.
.webp)
У бронеаўтамабілі ўмяшчаецца экіпаж з трох чалавек: камандзір, кіроўца, наводчык і да дзявяці чалавек дэсанта. Каштуе MRAP MaxxPro да $550 тысяч.
Дзякуючы V-падобнаму дну бронетранспарцёр застанецца цэлым ад мін, бо сіла выбуху накіроўваецца ў супрацьлеглы бок ад кабіны.
Мадыфікацыі MRAP MaxxPro належыць да I і II катэгорый бронеаўта, якія адрозніваюцца ўзроўнем абароны, узбраеннем і прызначэннем:
I катэгорыя: патруляванне ва ўмовах горада;
II катэгорыя: суправаджэнне канвояў, транспартаванне асабовага складу, перавозка параненых, выкарыстанне ў якасці інжынерных машын.
Мадыфікацыі MRAP MaxxPro:
Plus M1234: павялічаная магутнасць рухавіка і дадатковая абарона;
Dash M1235: аблегчаная версія базавай мадэлі;
Dash DXM Ambulance: прызначаная для эвакуацыі параненых;
MaxxPro XL: самая вялікая і магутная з версій, прызначаная для транспартавання асабовага складу;
MRV: прызначаная для транспартавання пашкоджанай тэхнікі;
MCOTM: каманднае аўто, разлічанае на 5 чалавек, абсталяванае дадатковымі крыніцамі сілкавання і тэхнікай кіравання.