Беларусак не дапусцяць на чэмпіянат Еўропы ў боксе нават пасля дазволу IBA

Арганізатары зрабілі заяву ў гэтым пытанні.

Прадстаўніцы Расеі і Беларусі не змогуць выступіць на жаночым чэмпіянаце Еўропы ў боксе, нягледзячы на пастанову Міжнароднай баксёрскай асацыяцыі (ІBA) зняць усе абмежаванні.

Пра гэта паведаміла Еўрапейская канфедэрацыя бокса (EUBC):

«EUBC атрымала пастанову IBA дазволіць баксёрам з Федэрацыі бокса Расеі і Беларускай федэрацыі бокса зноў удзельнічаць у спаборніцтвах IBA.

У адпаведнасці з гэтай пастановай мы дазволім гэтым спартоўцам удзельнічаць у санкцыянаваных EUBC спаборніцтвах пасля будучага ЧЕ сярод жанчын», - цытуе заяву арганізацыі Tribuna.com.

Турнір пройдзе ў Чарнагорыі з 14 да 22 кастрычніка. Гэты крок дазволіць EUBC пазбегнуць байкоту турніру ад асацыяцый іншых краін, якія не згодныя з пастановай IBA.