Белы дом: Украінцы так магутна наступаюць у Херсонскай вобласці, што могуць увайсці ў Крым

У адміністрацыі Байдэна ўражаны тэмпамі прасоўвання ўкраінскіх войскаў.

Узброеныя сілы Украіны паспяхова наступаюць на Херсонскім кірунку. У сувязі з такой сітуацыяй у адміністрацыі Джо Байдэна дапускаюць рэалізацыю сцэнару вызвалення акупаванага Крыма. Усё залежыць ад далейшых поспехаў украінскага войска.

Як паведамляе The Telegraph, у Белым доме прыйшлі да высновы, паводле якой сілы абароны Украіны могуць вызваліць акупаваны Крым. На такую перспектыву паказваюць поспехі ўкраінскіх войскаў у Херсонскай вобласці.

«Вызваленне Крыма Украінай зараз цалкам магчымае, гэта нельга скідаць з рахункаў», - адзначыла крыніца ў амерыканскай адміністрацыі.

Таксама інсайдэр падкрэсліў, што ўсё залежыць ад далейшага развіцця наступу УСУ, і бягучая сітуацыя дазваляе спадзявацца на поспех.