Пентагон апублікаваў новую абаронную стратэгію

Расея прызнаная вострай пагрозай.

Мінабароны ЗША апублікавала новую абаронную стратэгію. У ёй Расея прызнаная "вострай пагрозай", а Кітай "асноўным выклікам".

"Нягледзячы на тое, што мы факусуемся на КНР як на асноўным выкліку, Нацыянальная абаронная стратэгія таксама адказвае за вострую пагрозу з боку Расеі, што зусім нядаўна было прадэманстраваная далейшым несправакаваным уварваннем Расеі ва Украіну", – гаворыцца ў апублікаваным дакуменце.

Адзначаецца, што Расея нясе сур'ёзныя і пастаянныя рызыкі для ЗША і хауруснікаў Вашынгтона, да якіх належаць:

ядзерныя пагрозы;

пагрозы крылатымі ракетамі вялікай далёкасці;

кібер- і інфармацыйныя аперацыі;

контркасмічныя пагрозы;

хімічная і біялагічная зброя;

падводная вайна;

шырокія кампаніі шэрай зоны, накіраваныя, супраць дэмакратый.

«Пагарджаючы незалежнасці сваіх суседзяў, урад Расеі імкнецца выкарыстаць сілу, каб навязаць змены межаў і аднавіць імперскую сферу ўплыву. Яго шырокі паслужны спіс тэрытарыяльнай агрэсіі ўключае ў сябе эскалацыю жорсткай, нічым не справакаванай вайны супраць Украіны», - паведамляецца ў дакуменце.

Асноўныя прыярытэты новай абароннай праграмы ўключаюць:

абарону ЗША, з улікам росту пагрозы з боку Кітая;

стрымліванне стратэгічных нападаў на ЗША і партнёраў;

стрымліванне агрэсіі, у той жа час гатоўнасць атрымаць верх у канфлікце, калі гэта неабходна, аддаючы прыярытэт выкліку Кітая, а затым выкліку Расеі ў Еўропе;

стварэнне ўстойлівых Аб'яднаных сіл і абароннай экасістэмы.