Стамбул засыпала снегам: аэрапорт закрыты, дарогі заблакаваныя
- 25.01.2022, 11:18
- 4,438
Тысячы пасажыраў затрымаліся.
Аэрапорт Стамбула застаецца закрытым у аўторак праз моцныя снегапады, якія практычна спаралізавалі найбуйнейшы горад Турцыі.
Пра гэта "Еўрапейская праўда".
Снегапад пачаўся ў панядзелак удзень, і праз некалькі гадзін у некаторых раёнах таўшчыня снегу павялічылася да 80-85 сантыметраў, а ў цэнтры горада, дзе было менш ападкаў, таўшчыня снегу складала блізу 35 сантыметраў.
#Turkey:
— AceJace™ 🇺🇦 (@AceJaceu) January 24, 2022
The Istanbul Airport has suspended all flights on further notice due to adverse weather conditions that is preventing the airport to run normally.#turkishairlines #THY #IST #Istanbul
pic.twitter.com/OlMtdUDRXZ
Аэрапорт Стамбула прыпыніў усе палёты ў аўторак пад 13:00 паводле мясцовага часу праз моцны снегапад у горадзе.
Дах аднаго з грузавых тэрміналаў аэрапорта ўпаў пад цяжарам снегу, на шчасце, ніхто не пацярпеў. Закрыццё аэрапорта прывяло да спынення рэйсаў з Блізкага Усходу і Афрыкі ў Еўропу і Азію.
Severe Snow Storm in Turkey #Istanbul #City People Stranded...on the highways pic.twitter.com/fTucWUdG2F
— Kernow Weather Team (@KWTWeather) January 25, 2022
Летась аэрапорт Стамбула абслужыў больш за 37 мільёнаў пасажыраў, стаўшы адным з найважнейшых авіявузлоў свету.
Тысячы пасажыраў затрымаліся ў аўтамабілях, аўтобусах, паколькі асноўныя дарогі ў горадзе былі закрытыя. Каманды Чырвонага Паўмесяца надавала дапамогу пасажырам, якія апынуліся ў цяжкім становішчы на аўтамагістралях.
Офіс губернатара Стамбула папярэдзіў кіроўцаў, што яны не змогуць уехаць у горад з Фракіі - рэгіёну, які цягнецца праз еўрапейскую частку Турцыі да яе заходняй мяжы з Балгарыяй і Грэцыяй.
Гандлёвыя цэнтры ў панядзелак закрыліся раней, чым звычайна, службы дастаўкі ежы не працавалі.
Снегапады дасягнулі нават курортнай Анталіі, дзе раніцай у аўторак большасць дарог была засыпаная снегам. Апошні снег, які накрываў пляжы ў Анталіі, выпаў у 1993 годзе і меў таўшчыню 5 сантыметраў. Снег, які выпаў у горадзе ў 2005 і 2019 гадах, хутка раставаў.
Як паведамлялася, грэцкія выспы з нядзелі пакрытыя снегам. Мясцовыя жыхары расказваюць, што апошні раз такая колькасць снегу выпадала дзесяцігоддзе таму.