У Балтыйскае мора на вучэнні выйшлі 20 караблёў ВМФ Расеі
14- 24.01.2022, 19:21
- 8,504
Расея стварае напружанасць у рэгіёне.
Дваццаць караблёў і суднаў расейскага флоту адправіліся ў раёны Балтыйскага мора для ўдзелу ў вучэннях з пунктаў базавання, паведамілі ў аддзеле інфармацыйнага забеспячэння Балтфлота прэс-службы Заходняй вайсковай акругі.
"Дваццаць баявых караблёў, катэраў і суднаў забеспячэння Балтыйскага флоту <...> выйшлі ў прызначаныя раёны Балтыйскага мора для выканання задач у рамках планавых мерапрыемстваў баявой падрыхтоўкі", – адзначылі прадстаўнікі флоту.
У вучэннях у складзе тактычных груп таксама возьмуць удзел тральшчыкі і малыя супрацьлодкавыя караблі, а таксама малыя ракетныя караблі і ракетныя катары, расказалі ў прэс-службе.
Раней у аддзеле інфармазабеспячэння флоту распавялі, што з Балтыйска для ўдзелу ў тых жа вучэннях выйшлі карветы Балтыйскага флоту «Стойкий» і «Сообразительный». Іншымі задачамі гэтых манеўраў флот называў забеспячэнне вайсковай марской прысутнасці і дэманстрацыю Андрэеўскага сцяга ў розных раёнах Сусветнага акіяна.