Дзярждэп ЗША папярэдзіў лукашысцкіх дыпламатаў
50- 24.01.2022, 12:40
- 90,734
Рэжым могуць чакаць жорсткія санкцыі.
Лукашэнка заявіў, што Дзярждэп ЗША папярэдзіў беларускіх дыпламатаў аб магчымых наступствах нарошчвання прысутнасці расейскіх войскаў у Беларусі:
- Даслоўна ўчора мяне давялі пагрозлівую пазіцыю Дзярждэпа ЗША. Прыехалі да нашых дыпламатаў у Нью-Ёрку і пагражаюць нам: ды калі вы дазволіце Пуціну і Расеі, дазволіце гэта, то мы ўвядзём санкцыі. Калі вы гэтую ядзерную зброю вернеце ў Беларусь, будзе тое і гэта, - сказаў узурпатар.
Адзначым, што раней Дзярждэп ЗША заявіў, што Расея можа размясціць свае ядзерныя сілы ў Беларусі.