29 траўня 2022, Нядзеля, 9:08
Сім сім, Хартыя 97!
Рубрыкі

«Лебедзь» у самалёце Лукашэнкі

8
«Лебедзь» у самалёце Лукашэнкі

З'явіўся новы сведка паводле справы аб захопе Ryanair?

Лукашэнка пачаў распрацоўваць план атрымання кампенсацыі за санкцыі, звязаныя з «рэйсам Пратасевіча». Асяроддзе будзе спасылацца на расследаванне ІКАО, якое не пацвердзіла наўпроставую віну беларускага боку ў рамках акта пірацтва, піша тэлеграм-канал CYNIC.

На «дзіркі» ў расследаванні Менск натуральна заплюшчвае вочы. Аднак, такая ініцыятыва для некаторых насельнікаў Палаца здаецца даволі рызыкоўнай.

Мяркуюць, што «амерыканская справа» з'яўляецца далёка не апошняй. Альтэрнатыўныя пераможныя пазовы могуць быць звязаныя з усімі краінамі, чые грамадзяне знаходзіліся на борце злашчаснага рэйса.

У Менску ходзяць чуткі, што, апроч дыспетчара, з'явіўся другі сведка, які ўжо паспеў падаць звесткі заходняму боку.

Менск мяркуе, што ў выпадку падачы пазову аб кампенсацыі за санкцыі ў адзін момант адбудзецца «стрэл» з розных бакоў. Так, выявяцца звесткі, якія падалі сведкі [далёка не ўсе факты апублікаваныя].

Еўрапейскі і амерыканскі бакі могуць запусціць адзін з варыянтаў міжнародных пазоваў [кейс авіяпірацтва і дзяржаўнага тэрарызму] адразу ж пасля спробы Лукашэнкі «аштрафаваць» Захад за «беспадстаўныя санкцыі».

Як кажуць заходнія калегі, пакуль самалёт звязаць асабіста з Лукашэнкам у юрыдычнай плоскасці не атрымліваецца, аднак ёсць варыянт аб'яднання некалькіх «кейсаў» [катаванні, палітычныя забойствы, справа «Метро» і г.д.) для атрымання патрэбнага эфекту да «дзяржавы-тэрарысткі».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».