Якім будзе надвор'е ў Беларусі 20 студзеня?

Прагноз сіноптыкаў.

Аранжавы ўзровень небяспекі абвешчаны ў Беларусі 20 студзеня праз моцны вецер, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У чацвер будзе пахмурна, удзень з праясненнямі. Уначы месцамі, раніцай і днём у многіх раёнах краіны пройдуць кароткачасовыя ападкі ў выглядзе снегу і мокрага снегу, магчыма слабая завіруха. Месцамі прагназуецца галалёд, на дарогах галалёдзіца. Вецер паўднёва-заходні 6-11 м/с, уночы парывы да 14 м/с, раніцай і днём на большай частцы тэрыторыі краіны чакаецца ўзмацненне ветру парывамі да 15-20 м/с.

Тэмпература паветра ўначы складзе нуль - мінус 5 градусаў, удзень тэмпература паветра будзе вагацца ад мінус 3 да плюс 2 градусаў.

Сіноптыкі таксама папярэдзілі, што ў пятніцу, 21 студзеня, у Беларусі захаваецца ветранае надвор'е.