Францыя праводзіла ў апошні шлях Жан-Поля Бельмандо
8- 9.09.2021, 21:14
- 22,164
Даніну павагі актору аддалі прэзідэнт Францыі, сябры ўрада, калегі, палітыкі і грамадскія дзеячы.
Нацыянальная цырымонія развітання з Жан-Полем Бельмандо была арганізавана на дзяржаўным узроўні. Даніну павагі актору аддалі прэзідэнт Эмануэль Макрон, сябры ўрада, калегі, палітыкі і грамадскія дзеячы.
На развітанні прысутнічалі шэсць унукаў Бельмандо. Адзін з іх, 27-гадовы актор Віктар Бельмандо, выступіў ад імя сям'і, паведамляе РБК.
«Дзякуй, што падарыў нам столькі радасці, - сказаў ён. - Веру, што ты ўсміхаешся зараз, як рабіў гэта заўсёды. Сонца не згасае. Мы думаем пра цябе, мы цябе любім».
Бельмандо памёр 6 верасня, яму было 88 гадоў.