У Швейцарыі можа ўзнікнуць дэфіцыт чыпсаў
4- 19.09.2021, 19:19
- 2,326
Праз неспрыяльныя ўмовы надвор'я ў краіне нізкі ўраджай бульбы.
У Швейцарыі праз пастаянныя дажджы і агульнае неспрыяльнае надвор'е сёлета назіраецца нізкі ўраджай бульбы, што прывяло да недахопу чыпсаў, інфармуе The Local (пераклад - zn.ua).
У спалучэнні з 30-працэнтным павелічэннем попыту праз тое, што людзі больш сядзяць дома і ядуць чыпсы, а не ходзяць у рэстарацыі, у Швейцарыі наспявае недахоп гэтага прадукту.
Вытворцам чыпсаў не стае бульбы, і ім трэба будзе імпартаваць не менш за 20 000 тон з-за мяжы.
Кампаніі вытворцы чыпсаў заяўляюць, што на гэтым этапе немагчыма вызначыць, наколькі сур'ёзным будзе дэфіцыт.
«Дакладныя маштабы недахопу могуць быць вызначаны колькасна толькі ў пачатку снежня, калі будзе сабраны ўраджай», - адзначыў прадстаўнік адной з кампаній.
Складаныя правілы ўвозу ў Швейцарыю, накіраваныя на абарону мясцовых фермераў, ускладнілі імпарт, бо неабходна атрымаць спецыяльны дазвол Федэральнага ўпраўлення сельскай гаспадаркі.