Зладзіць адпачынак замест працы: куды беларусы могуць паляцець у адпачынак проста цяпер

Адправіцца ў гэтыя краіны можна ўсёй сям'ёй.

Большасць беларусаў традыцыйна адпачывае летам, але ёсць тыя, хто аддае перавагу праводзіць адпачынак тады, калі натоўпы турыстаў ужо за офіснымі сталамі ці школьнымі партамі, затое надвор'е яшчэ дазваляе падоўжыць цёплы і сонечны час года.

Myfin.by паглядзеў, куды ў верасні можна паляцець у адпачынак з Беларусі, у тым ліку з дзецьмі, і якія будуць пры гэтым ковідныя абмежаванні: ці патрэбны ПЦР-тэст, ці падыходзіць наш сертыфікат пра вакцынацыю і ці прыйдзецца ісці на карантын па вяртанні.

Без перасадак

З перасадкамі (у Маскве ці Стамбуле) можна даляцець хоць да Сейшэльскіх выспаў, але мы наважылі прааналізаваць толькі тыя напрамкі, па якіх ёсць прамыя авіярэйсы. Іх сёння шэсць - ААЭ, Егіпет, Турцыя, Грузія, Расея і Арменія. Усе, акрамя Арменіі, - гэта краіны з марскім узбярэжжам.

Дзе патрэбны тэст, а дзе - даведка пра вакцынацыю?

Цяпер для ўезду не ва ўсе дзяржавы патрэбны ПЦР-тэст, дзесьці досыць і сертыфіката пра вакцынацыю.

Адзначым, што ў розных краінах свае патрабаванні да даведак, - прасцей зрабіць на расейскай і ангельскай мовах, з QR-кодам і прайсці ПЦР-тэст за дзень-два да прыбыцця. Акрамя таго, у некаторых краінах неабходна праходзіць ПЦР-тэсты на месцы за свой кошт, калі няма вакцынацыі (Грузія), у іншых - рэгістравацца ў спецыяльным дадатку (ААЭ, Расея).

На каранцін - паводле спісу

Нагадаем, што пры вяртанні з краін «чырвонага спісу» (ён абнаўляецца рэгулярна - нейкія краіны з яго прыбіраюць, іншыя - дадаюць), у Беларусі неабходна выконваць 7-дзённую самаізаляцыю. Удакладнім, што самаізаляцыю павінны выконваць не толькі тыя, што прыбылі з краін «чырвонага спісу», але і якія кіраваліся праз гэтыя краіны транзітам. Актуальны пералік глядзіце на сайце Міністэрства аховы здароўя.

Калі вы не прышчапляліся, то пасля наведвання з усіх краін, пералічаных у нашай табліцы, акрамя Арменіі, на сённяшні дзень патрэбны каранцін.

Пры наяўнасці сертыфіката пра вакцынацыю, калі пасля ўвядзення другой дозы прайшоў месяц да моманту вяртання з падарожжа, 7-дзённая самаізаляцыя не патрабуецца.

Важна - наяўнасць ПЦР-тэсту не адмяняе самаізаляцыю!