Стывен Кінг паабяцаў напісаць раман пра каранавірус

Праз пандэмію пісьменнік унёс карэктывы ў сваю новую кнігу.

Амерыканскі пісьменнік Стывен Кінг мае намер прысвяціць свой наступны раман пандэміі COVID-19. Літаратар падзяліўся планамі ў эфіры ток-шоў Вупі Голдбэрг The View, паведамляе zn.ua.

«Хачу напісаць кнігу менавіта пра каранавірус, пакласці ў аснову рамана падзеі 2020 года і паглядзець, як яны пакажуць сябе. Гэта будзе нялёгка», - заявіў Стывен Кінг.

Пандэмія таксама адбілася на сюжэце новага рамана пісьменніка «Білі Самэрс»: аўтар быў вымушаны перанесці падзеі ў ім з 2020 у 2019 год. Галоўны герой рамана падарожнічае на круізным лайнеры, але ў «карантынным» годзе гэта было немагчыма, растлумачыў Кінг.

Адзначым, што пандэмія COVID-19 і карантынныя абмежаванні ўжо знайшлі адлюстраванне ў творах папулярнай культуры. Ігі Поп прысвяціў каранавірусу песню Dirty Little Virus, а гурт The Rolling Stones запісаў песню Living In A Ghost Town, прысвечаную карантыну.

Рэжысёр Стывен Содэрберг паведамляў аб планах зняць сіквел свайго фільма «Заражэнне», цікавасць да якога падагрэла пандэмія. Кінастужка 2011 года стала адной з самых абмяркоўваных і атрымала велізарную колькасць праглядаў на стрымінгавых сэрвісах праз дзевяць гадоў пасля выхаду.