У Беларусі спыніла працу буйная інтэрнэт-крама

Што здарылася?

З 10 жніўня на загад Дзяржстандарту прыпыняюць працу інтэрнэт-крамы і гандлёвыя аб'екты кампаніі «7745 Вялікая крама». Ёй належаць інтэрнэт-крама 7745.by і пункты самавывазу, паведамляе zerkalo.io.

Працу гандлёвых аб'ектаў і інтэрнэт-крамы кампаніі «7745 Вялікая крама» прыпыняюць з 10 жніўня на пастанову Дзяржстандарту ад 6 жніўня. Як удакладняюць у кампаніі, такое рашэнне прынялі на падставе пункта 20 указа ад 24 красавіка 2020 г. №143 «Аб падтрымцы эканомікі». «Мы падрыхтоўваем дакументы для аднаўлення працы. Але, на жаль, назваць тэрміны аднаўлення работы мы не можам. Прыкладаем усе намаганні, каб гэта адбылося хутчэй», - заяўляюць у кампаніі.

У кантакт-цэнтры інтэрнэт-крамы 7745.by растлумачылі, што замовы можна афармляць да 15.00 7 жніўня, а забраць - да 21.00 у пункце самавывазу ў Менску (на вуліцы Брыкета).

У кампаніі адкрытыя пункты самавывазу тавараў ва ўсіх абласных цэнтрах, а таксама ў 20 іншых гарадах.

Чаму прыпынілі працу

У 20-м пункце ўказа гаворыцца, што чыноўнікі могуць ладзіць пазапланавыя праверкі. Гаворка ідзе пра праверку коштаў, абарону правоў спажыўцоў, санітарна-эпідэміялагічны дабрабыт насельніцтва, прытрымліванне тэхрэгламенту МЗ, ЕАЭС. Менавіта паводле апошняга пункту прымае рашэнне Дзяржстандарт. Ведамства можа спыняць працу аб'екта гандлю або грамадскага харчавання на тэрмін да 90 дзён.