Амерыканка ў свае 99 гадоў раскрыла сакрэт даўгалецця
1- 6.08.2021, 18:30
- 10,484
Жанчына 8 жніўня адзначыла 100-ы юбілей свайго жыцця.
Амерыканка Эдыт Мерве-Трэйна стала найстарэйшым паўэрліфтырам у свеце і падзялілася сакрэтам свайго даўгалецця. Пра гэта гаворыцца на сайце Кнігі рэкордаў Гінеса.
Былой настаўніцы танцаў 8 жніўня 2021 года споўніцца 100 гадоў. Яна з'яўляецца рэкардсменкай, бо да гэтай пары ўдзельнічае ў спартыўных спаборніцтвах па паўэрліфтынгу і падымае ад 18 да 68 кілаграмаў.
Займацца паўэрліфтынгам Эдыт пачала ва ўзросце 91 года. І за апошнія некалькі гадоў здабыла вельмі шмат узнагарод.
«Яна падымала штангу, як быццам гэта была яе торбачка. Яна ніколі не здаецца, а цяжкасці толькі загартоўваюць яе», - кажуць сябры рэкардысткі.
Марв-Трэйна кажа, што сакрэт яе даўгалецця ў тым, каб прымаць людзей такімі, якімі яны ёсць і не шукаць заганы. Менавіта таму 99-гадовая рэкардсменка мае столькі перамог, галоўнай з якой лічыць жыццё. І, вядома ж, як распавяла Эдыт, сакрэт доўгіх гадоў жыцця ляжыць у здаровым і актыўным ладзе жыцця.