У Расеі кіраўніца Думы зняславілася падчас выканання гімна РФ: відэа
8- 6.08.2021, 16:29
- 14,240
Аксана Казлоўская пераблытала словы гімна Расеі і СССР.
У Расеі палітык абласнога ўзроўню зняславілася падчас выканання гімна Расейскай Федэрацыі. Адпаведнае відэа апублікаваў тэлеграм-канал LIFE SHOT, піша «Апостроф».
«Кіраўніца томскай Заканадаўчай думы Аксана Казлоўская забылася адключыць мікрафон падчас выканання гімна Расеі і «крыху» пераблытала словы», - гаворыцца ў паведамленні.
Палітык замяніла тэкст на словы гімна Савецкага Саюза.
Адзначаецца, што перад пачаткам «хвілінкі патрыятызму» Казлоўская падкрэсліла, што ва ўсіх ёсць тэкст.