Моцныя ліўні выклікалі падтапленні ў Польшчы

У некаторых гарадах таксама ўтварыліся смерчы.

Моцныя ліўні ў Малапольскім ваяводстве прывялі да шэрагу падтапленняў, прынамсі, у Кракаве.

Пра гэта паведамляе RMF24.

Толькі за ноч з чацвярга на пятніцу работнікі надзвычайных службаў больш за дзве тысячы разоў прыбывалі на выклік.

У Малапольскім ваяводства было затоплена больш за 700 будынкаў і больш за 100 адцінкаў дарог і вуліц.

У Жэшуве і ваколіцах Білгарая ўтварыліся смерчы.

На поўдні Польшчы расце ўзровень вады ў рэках. Рака Вісла на мяжы Сілезіі і Малой мае глыбіню ўжо 6 метраў. Да ўзроўню надзвычайнага становішча ёй не стае 30 сантыметраў. Агулам па ўсёй Малой трывожныя паказчыкі перавышаныя на 3 рэках.

Абвестку аб паводцы абвясцілі ў 5 муніцыпалітэтах.

У Кракаве і Кракаўскім павеце пажарныя атрымалі больш за тысячу паведамленняў, звязаных з моцнай колькасцю ападкаў. Затопленыя не толькі дарогі, маёмасць, двары, але і дамы, кватэры і падземныя гаражы.

Паведамляецца, што на раніцу дождж аслабеў і ўзровень вады ў рацэ Серафім пачаў стабілізавацца.

Падтапленне зафіксавалі і ў Мазавецкім ваяводстве, напрыклад, у Варшаве.

Чакаецца, што моцныя дажджы на значнай тэрыторыі Польшчы працягнуцца да 15.00 пятніцы.