Ландсбергіс: З Ірака ў Менск прыляцеў пусты самалёт па ахвотных вярнуцца ў сваю краіну

Самалёт авіякампаніі Iraqi Airways прызямліўся ў беларускай сталіцы апоўдні.

Міністр замежных спраў Літвы Габрыэлюс Ландсбергіс паведаміў, што пачуў ад калегі Фуада Хусэйна запэўніванні, што з ягонай краіны ў Менск у пятніцу вылецеў пусты борт для таго, каб забраць тых, хто хоча вярнуцца, паведамляе delfi.lt.

«Міністр сказаў, што пусты самалёт для таго, каб сабраць людзей, якія просяцца назад. Гэтую інфармацыю нам пацвердзілі некалькі крыніц», - паведаміў BNS кіраўнік літоўскай дыпламатыі.

Самалёт нацыянальнай авіякампаніі Iraqi Airways прызямліўся ў Менску апоўдні.