Муж Крысціны Ціманоўскай прыбыў у Польшчу

Арсень Зданевіч заехаў з гуманітарнай візай.

Муж беларускай лёгкаатлеткі Крысціны Ціманоўскай Арсень Зданевіч паведаміў, што прыбыў у Польшчу, піша «Трыбуна».

Раней ён знаходзіўся ў Кіеве.

«Так, я прыбыў у Польшчу. Атрымаў гуманітарную візу», - сказаў Зданевіч.

Ціманоўская прыляцела ў Варшаву 4 жніўня.

Раней Нацыянальны алімпійскі камітэт (НАК) Беларусі адхіліў спартоўку ад Алімпіяды ў Токіё, патлумачыўшы гэта яе «эмацыйна-псіхалагічным станам».

Перад гэтым лёгкаатлетка раскрытыкавала кіраўніцтва каманды краіны, даведаўшыся, што яе заявілі на эстафету 4х400 м.

Пазней Ціманоўская паведаміла, што сутыкнулася з пагрозамі і яе супраць волі спрабуюць вывезці з Токіё. Польшча выдала спартоўцы гуманітарную візу.