«97,4% костак і храсткоў»: як беларус купіў тушонку

Прадукт быў зусім не мясны.

Беларус Дзмітрый купіў сабе тушонку «Вялес-міт». Ён хацеў паласавацца «куранём ва ўласным соку з закладкай мяса 97,4%». Аднак мужчына атрымаў зусім не мясное свята. У бляшанцы ён убачыў «97,4% у закладцы не мяса, а костак і храсткоў» і вельмі здзівіўся.

Пра сітуацыю ён распавёў рэдакцыі Onliner і даслаў фота. Вывучыўшы этыкетку, косці ў складзе Дзмітрый усё ж знайшоў. Але, паводле ягоных слоў, склад у тушонкі на сайце крыху іншы.

Таксама паказана, што тавар найвышэйшага гатунку і адпавядае ДАСТ 28589-2014. І ўсё б нічога, калі б костак у складзе было 2,6% ад агульнай масы, але вы паглядзіце на іх колькасць. Хацелася б пачуць каментары вытворцы: для каго прызначаная гэтая «тушонка»? Для хатніх улюбёнцаў ці ўсё ж для іх гаспадароў?», - спытаў мужчына.

Што сказалі на мясакамбінаце?

Onliner звязаўся з вытворцам - Маладзечанскім мясакамбінатам («Вялес-міт» - іх юрыдычная назва). Там адказалі, што праблема ім вядомая, а людзі тэлефануюць на вытворчасць і «скардзяцца на ўтрыманне костак у кансервах з куранём». Хоць працэнт закладкі мяса ў свіных або ялавічных кансервах мае на ўвазе мякаць.

«Мы просім звярнуць увагу на склад. Ён прапісаны дзяржаўным стандартам: частка тушы кураняці на костцы. Людзі не звяртаюць на гэта ўвагі. Па такіх жа правілах і стандартах працуюць і іншыя вытворцы ў Беларусі», - адзначылі на мясакамбінаце.

Тады ўзнікае пытанне, што калі «97,4% - гэта тушка з косткамі, то што ўваходзіць у пакінутыя 2,6%. Высветлілася, са слоў вытворцы, гэта «спецыі: морква, лаўровы ліст, соль».

Таксама на мясакамбінаце адказалі, ці яны зробяць тушку без костак.

«Тэарэтычна такі прадукт можна зрабіць (ужо не згодна са стандартамі, а з уласнымі тэхнічнымі ўмовам). Але там кошт будзе касмічны. Такі прадукт купляць ніхто не будзе. Трэба будзе зрабіць ручны разбор (зняць мяса з костак). Калі са свінінай і ялавічынай гэта лёгка зрабіць, то з куранём - не», - заявілі там.

Колькасць костак у бляшанцы можа адрознівацца: як пашанцуе. «камусьці можа адзін кавалак трапіцца, каму-небудзь іншы. Сярэдняга стандарту ўтрымання костак няма», - паведамілі на прадпрыемстве.

З-за паступлення вялікай колькасць пытанняў з нагоды мяса ў тушонцы, Маладзечанскі мясакамбінат заявіў, што пры замове наступнай партыі этыкеткі зменіць дызайн і ўдакладніць на адным баку, што мяса на костках.

«Але адсотак закладкі пакінем, усе так паказваюць. На гэта людзі звяртаюць увагу», - падкрэслілі яго прадстаўнікі.