За дзень літоўскія памежнікі затрымалі ўсяго двух нелегальных мігрантаў

Таму ў Беларусь вярнулі больш за сто чалавек.

Учора на літоўска-беларускай мяжы затрымалі ўсяго двух мігрантаў, якія прыйшлі з Беларусі, паведамляецца на статыстычным партале Літвы. Таму ў Беларусь вярнулі больш за сто чалавек.

З пачатку ліпеня колькасць затрыманых на мяжы значна апусцілася ніжэй за сотню. Менш дзесяці мігрантаў з боку Беларусі апошні раз прыходзіла 25 чэрвеня.

Нагадаем, Літва з 3 жніўня вяртае ў Беларусь нелегальных мігрантаў, якіх затрымліваюць на агульнай мяжы.

Дзякуючы гэтаму колькасць выяўленых мігрантаў у Літве значна ўпала. У сераду літоўскія памежнікі затрымалі 19 чалавек, а выправадзілі больш за 300 мігрантаў. Да гэтага колькасць мігрантаў, якія незаконна перасеклі беларуска-літоўскую мяжу, пабіла ўсе рэкорды 2 жніўня затрымалі 214 чалавек, а днём раней - 294 чалавекі.

5 жніўня Лукашэнка заявіў, што з гэтага часу «ніводная нага на тэрыторыю Беларусі з сумежнага боку ступіць не павінна» - і даручыў сілавікам узмацніць працу ў ахове мяжы.

У той жа дзень літоўскае выданне 15min.lt апублікавала відэа, як група мігрантаў затрымалася на нейтральнай паласе. У Літву іх не пускалі, а з боку Беларусі мігрантаў адганялі людзі са шчытамі.