Эксперты: Лукашэнка баіцца ўсплёску нелаяльнасці сярод сілавых структураў

Узурпатар трапіў у моцную залежнасць.

У інтэрв'ю «Філіну» палітычны аглядальнік Аляксандр Класкоўскі заявіў, што на сёння Лукашэнка трапіў у моцную залежнасць ад сілавікоў, бо электаральнай падтрымкі ў яго няма.

Лукашэнка вымушаны абараняць і ўзнагароджваць сілавікоў, у адваротным выпадку ў гэтых людзей могуць з'явіцца сумневы, што «правадыр» можа іх у адзін момант здаць. «У нейкай ступені ён закладнік сваёй залежнасці ад сілавікоў», – мяркуе аналітык.

Палітолаг Андрэй Ягораў таксама мяркуе, што Лукашэнка баіцца ў першую чаргу менавіта сілавікоў.

– Па-першае, Лукашэнка баіцца ўсплёску нелаяльнасці сярод сілавых структураў. Улада выдавала гэтым людзям карт-бланш на гвалт, а цяпер яны што, могуць памяняць правілы?