У Беларусі магчымы рост кошту камерцыйнага жылля

Звязваюць гэта з падвышэннем коштаў будматэрыялаў.

Кошт камерцыйнага жылля ў Беларусі можа вырасці ў сувязі з ростам коштаў будматэрыялаў, заявіў міністр архітэктуры і будаўніцтва Беларусі Руслан Пархамовіч на прэс-канферэнцыі ў панядзелак, паведамляе «Інтэрфакс».

«Камерцыйнае жыллё знаходзіцца ў вольным плаванні. Тут рынак дыктуе ўсе ўмовы. Калі матэрыялы будуць прадаўжаць падвышацца ў кошце, гэта безумоўна знойдзе сваё адлюстраванне ў кошце квадратнага метра жылля», - удакладніў Пархамовіч.

Ён нагадаў, што ў першым квартале метал падаражэў на 80%, піламатэрыялы для некаторых пазіцый - больш чым на 200%.