Эрдаган абвесціў Анталлю ды іншыя раёны лясных пажараў зонамі бедства

Засталося лакалізаваць яшчэ 10 асяродкаў загарання.

Прэзідэнт Турцыі Рэджэп Таіп Эрдаган абвесціў раёны лясных пажараў, што шалеюць на поўдні краіны, зонамі бедства. Гаворка ідзе пра правінцыі Анталля, Мугла, Ізмір, Адана і Асманіе.

Пра гэта паведамляе «Анадолу».

«Улады Турцыі прадоўжаць усе неабходныя крокі для ліквідацыі шкоды ад лясных пажараў і падтрымкі насельніцтва», – заявіў Эрдаган.

Ён выказаў спачуванні родным і блізкім людзей, якія загінулі ў выніку пажараў.

Міністр лясной і сельскай гаспадаркі краіны Бекір Пакдэмірлі заявіў, што на стан раніцы суботы, 31 ліпеня, пажарнікі лакалізавалі 98 з 88 асяродкаў лясных пажараў. Тушэнне яшчэ 10 прадаўжаецца.

У ліквідацыі агню ўдзельнічаюць 45 гелікоптараў, шэсць самалётаў і тысячы пажарных машынаў.