Amnesty International зноў прызнала Навальнага вязнем сумлення

Арганізацыя выбачылася за тое, што раней пазбавіла палітвязня статусу вязня сумлення.

Міжнародная праваабарончая арганізацыя Amnesty International зноў прызнала расейскага апазіцыянера Аляксея Навальнага вязнем сумлення. Пра гэта паведамляецца на сайце арганізацыі.

У Amnesty International заявілі, што не падтрымліваюць палітычную праграму Навальнага, але падкрэсліваюць неабходнасць таго, што ўлады Расеі павінны выконваць ягоныя правы і падаць доступ да незалежнай медыцынскай дапамогі.

Арганізацыя выбачылася за тое, што раней пазбавіла Навальнага статусу вязня сумлення, прызнала, што прыняла няслушную пастанову і пасля гэтага перагледзела падыход да выкарыстання тэрміна «вязень сумлення». Amnesty International заклікала прадаўжаць кампанію за вызваленне палітыка.