Да 9 траўня ва Уфе чыноўнікі падораць ветэранам коўдры, а сабе – ультратэлевізары і экаканапы

На аснашчэнне мясцовага Дома ўрада выдаткуюць мільёны рублёў.

Ва Уфе ўлады падораць ветэранам Другой сусветнай вайны падшываныя коўдры, іх атрымаюць 50 чалавек. Разам з тым чыноўнікі выдаткуюць мільёны расейскіх рублёў на аснашчэнне Белага дома ва Уфе: тэлевізары, канапы, рэцэпшн. Кошт пытання амаль 10 млн рублёў, паведамляе kasparov.ru.

Пастаўшчыка выбралі перад зацяжнымі травеньскімі святамі. Тэндэр праводзіў «Цэнтр арганізацыі і правядзення конкурсных працэдур». Коўдры прызначаныя для віншаванні юбіляраў - ветэранаў ВАВ. Усяго на гэта выдаткуюць 56 тысяч 383 рубля з гарадскога бюджэту. Тавар павінен быць новым, не былым ва ўжыванні, быць бяспечным і адказваць патрабаванням заканадаўства.

У той жа час ГКУ «Гаспадарчая ўправа» правяло свае закупы. У адной заяўцы фігуруюць наварочаныя тэлевізары - як абвешчана, «для забеспячэння дзяржаўных і муніцыпальных патрэб у адпаведнасці з пастановай урада РФ».

Мінімальны кошт кантракту абвясцілі 249 тысяч рублёў. Калі хто-небудзь з прадпрымальнікаў наважыць прадаць тэлевізары за гэтую суму, то на тым і сыдуцца. Калі не, то могуць таргавацца аж да 1,2 млн. Пакуль самы дарагі тэлевізар ацанілі на 85 тысяч рублёў, самы танны - на 16 тысяч.

На мэблю для Дома ўрада будзе выдаткавана 5 млн рублёў, на 23 прадметы. Канапы павінны быць вырабленыя з дарагіх матэрыялаў. Каркас - з масіву хвоі, абіўка - з экаскуры. Кошт вар'юецца ад 35 да 100 тысяч рублёў. Крэслы каштавацьмуць крыху танней.

Чыноўнікам чамусьці спатрэбілася крэсла-мяшок. Другая купля абвешчаная ўжо на 2,1 млн руб. У ёй улады заказваюць тры кухонныя гарнітуры і два сталы. У кухонных модулях пастаўшчык абавязкова павінен прадугледзець адсекі пад электрапліты, мікрахвалёўкі і пасудамыйныя машыны. Халадзільнікі каштавацьмуць 96 і 75 тысяч рублёў. Пасудамыйная машына - 48 тысяч рублёў. Мікрахвалевая печ - 38 тысяч, а варачная панэль - 23 тысячы.

У 2021 годзе дэфіцыт бюджэту Башкартастана будзе вялікім - казна недалічыцца 24 млрд рублёў. У 2022 годзе дэфіцыт чакаецца на 6,7 млрд, у 2023 годзе - 3 млрд рублёў.

Гэта не ўсё, што закуплялі ўлады за апошні час. У Доме рэспублікі з'явіліся новенькія пісуары, кветкі і гірлянды.