Беларускі баец Андрэй Арлоўскі абнавіў рэкорд UFC

Паядынак з амерыканцам Шэрманам доўжыўся ўсе тры раўнды.

Былы чэмпіён Абсалютнага байцоўскага чэмпіянату (UFC) у цяжкай вазе беларус Андрэй Арлоўскі перамог амерыканца Чэйза Шэрмана на турніры UFC Vegas 24, піша РБК.

Паядынак доўжыўся ўсе тры раўнды, паводле вынікаў якіх суддзі аднагалосна аддалі перамогу 42-гадоваму байцу. Арлоўскі прыняў бой на 10-дзённым апавяшчэнні, замяніўшы амерыканца Паркера Портэра.

Усяго на рахунку беларускага байца, які дэбютаваў у UFC у 2000 годзе, 31 перамога і 20 паразаў у змяшаных адзінаборствах, два баі, было прызнана, не адбыліся. Ён абнавіў рэкорд перамог у UFC сярод байцоў цяжкай вагавой катэгорыі – 20. Рэкорд UFC у перамогах сярод усіх байцоў належыць Дональду Серонэ (23), Арлоўскі дзеліць чацвёрты радок.

Арлоўскі валодаў чэмпіёнскім поясам UFC у 2005–2006 гадах. У 2000 годзе стаў пераможцам «Чэмпіянату Еўропы», арганізаваным расейскім прамоўшанам М-1 Global. Акрамя гэтага, выступаў у прэстыжным Гран-пры Strikeforce, кікбаксёрскім турніры і баксёрскім баі.