Кошт біткойна зноў перавысіў $60 тысяч

Кошт крыптавалюты расце на навінах пра магчымае скарачэнне прапановы.

Самая папулярная крыптавалюта біткойн зноў падаражэла да 60 тысяч даляраў. Яе кошт расце на навінах пра магчымае скарачэнне прапановы. Пра гэта піша Reuters (пераклад - korrespondent.net).

Адзначым, біткойн упершыню ўзяў гэтую планку 13 сакавіка дасягнуўшы рэкорднай адзнакі 61 781,83 даляра на біржы Bitstamp. Гэта адбылося адразу пасля таго, як прэзідэнт ЗША Джо Байдэн падпісаў пакет дапамогі эканоміцы на 1,9 трлн даляраў.

Пры гэтым аналітыкі мяркуюць, што за апошнія пару тыдняў інвестары звярнулі сваю ўвагу на фондавыя рынкі і іншыя крыптавалюты. У выніку чаго біткойн фактычна «бяздзейнічаў» на ўзроўні 50 000 даляраў.

Доля біткойна займае больш за 70% усяго глабальнага рынку крыптавалют. За тры месяцы ён падаражэў амаль утрая, а за апошні год - амаль у сем разоў.

Нагадаем, з пачатку 2021 года кошт біткойна вырас амаль на 90% дзякуючы ўзросламу попыту на яго з боку інстытуцыйных інвестараў, а таксама кампаній, якія разглядаюць крыптавалюту ў якасці інструмента хэджавання інфляцыйных рызык.