Як беларусам хутка прайсці тэхагляд

Топ-5 простых правіл.

Паведамленні аб тым, што ДАІ пачалі высылаць кіроўцам «лісты шчасця» за адсутнасць допуску для ўдзелу ў дарожным руху, дадалі чэргаў на тэхаглядзе, піша kp.by. Дык як жа прайсці тэхагляд?

1. З чаго пачаць?

Даведацца адрасы станцый дыягностыкі. Толькі ў Менску іх больш за 30, так што можна падабраць найбольш зручную. Трэба высветліць, ці прымаюць там паводле запісу або жывой чаргі. Калі запіс - патэлефанаваць на станцыю і запісацца. Праўда, чарга распісаная, як правіла, на два тыдні наперад - прыйдзецца пачакаць. Альбо стаяць у жывой чарзе. У такім выпадку, варта паспрабаваць шчасця рана раніцай.

2. Якія дакументы патрэбныя?

Бярыце з сабой пасведчанне кіроўцы, тэхпашпарт, страхавы поліс. Меддаведку кіроўцы і ранейшыя карткі аб праходжанні тэхагляду больш не патрэбныя. А налепку на лабавое шкло пасля праходжання тэхагляду ўжо не выдаюць.

3. Што праверыць самому перад тэхаглядам?

Часам мы не звяртаем увагі на дробязі - а дарма, яны могуць стаць прычынай таго, што аўтамабіль «завернуць» на тэхаглядзе. Часцей за ўсё перагараюць лямпачкі - іх трэба ўсе праверыць, у тым ліку супрацьтуманныя і падсвятленне нумару ззаду. На дыягностыцы просяць апусціць вокны, паказаць, ці фіксуюцца ўсе рамяні бяспекі, ці працуе механізм рэгулявання крэслаў, абдзіманне і абаграванне шкла (калі ёсць), сістэма абмыву шкла, сігнал. Адна з распаўсюджаных праблем - закісанне тросіка ручнога тормазу, асабліва пасля зімы. Праверце, ці добра ён фіксуе на месцы аўтамабіль - магчыма, праблему ўдасца вырашыць, калі проста яго распрацаваць.

4. Што павінна быць у аўто?

У аўтамабілі абавязкова павінны быць аптэчка (прычым без пратэрмінаваных лекаў), вогнетушыцель (таксама праверце тэрміны яго прыдатнасці) і знак аварыйнага прыпынку. Лепш пакласці ўсё гэта на задняе крэсла. Супрацоўнік лініі тэхагляду, хутчэй за ўсё, кіне на іх погляд і не стане правяраць, напрыклад, наяўнасць лекаў паводле спісу.