СМІ: Лукашэнка і Пуцін пасварыліся ў Сочы

Сітуацыя для ўзурпатара з'яўляецца цалкам бязвыхаднай.

Сустрэча Лукашэнкі і Пуціна ў Сочы закончылася не толькі безвынікова, але і магчыма стала прычынай чарговага пахаладання стасункаў паміж аўтакратамі, піша выданне avia.pro.

Паводле звестак выдання «Telegraf», беларускі дыктатар паспрабаваў націснуць на Пуціна, што выклікала ледзь не сварку паміж двума правадырамі.

«Мяркуючы з маўчання як менскіх, так і маскоўскіх інсайдэраў, размова ў Сочы паміж Пуціным і Лукашэнка была вельмі і вельмі жорсткай. Не выключана, што яны там учора нават і пасварыліся. Прынамсі дзе (!) тэлефонныя размовы Мядзведзева і Пуціна з Лукашэнкам наўздагон учарашнім перамовам на гэта недвухсэнсоўна ківаюць», - такая інфармацыя з'явілася ў расейскай «Телеграм»-супольнасці.

Тым не менш, сітуацыя для Лукашэнкі з'яўляецца цалкам бязвыхаднай - пасварыўшыся з Расеяй, ён апынецца цалкам ізаляваным, асабліва ўлічваючы той факт, што Еўропа ўжо выставіла Менску ўмовы аднаўлення дыялогу паміж двума бакамі.

«Адразу некалькі крыніц у двух дэлегацыях сказалі, што перамовы ў Сочы былі няпростымі і Масква гранічна жорстка выказала сваю незадаволенасць тактыкай Менска. «Галоўнае - праблема не развязаная; пытанні адкладзеныя. Хоць Менск сцвярджае, што ўсё пад кантролем - гэта далёка не так. Праблемы нарастаюць; эканамічны крызіс; канфлікт з грамадствам не развязаны; стратэгія рэпрэсій павялічвае рызыкі на фоне актывізацыі Захаду», - піша avia.pro.