Польскія памежнікі адбілі 58 спроб прарыву нелегалаў з боку Беларусі
2- 2.12.2021, 11:13
- 4,104
Мігрантаў давялося стрымліваць у экстрэмальных варунках.
Учора польска-беларускую мяжу спрабавалі перасекчы 58 чалавек. У дачыненні да 16 з іх была вынесена пастанова аб выдварэнні з тэрыторыі Польшчы, паведамляе памежны камітэт Польшчы.
У лістападзе памежнікі зафіксавалі 8,9 тысяч спроб незаконнага перасячэння мяжы з Беларуссю, у кастрычніку-17,5 тысяч, верасні-7,7 тысяч, жніўні-3,5 тысяч.
Minionej doby tj.01.12 granicę🇵🇱🇧🇾próbowało przekroczyć 58 osób. Wobec 16 osób wydano postanowienia o opuszczeniu terytorium RP.
— Straż Graniczna (@Straz_Graniczna) December 2, 2021
W listopadzie SG odnotowała 8,9 tys. prób nielegalnego przekroczenia granicy z 🇧🇾 do 🇵🇱,w październiku-17,5 tys., wrześniu-7,7 tys., sierpniu-3,5 tys. pic.twitter.com/mk9g91Fykq
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб узняць іх на новы штурм польскай мяжы.
1 снежня беларускія спецслужбы абстралялі польскі прымежны горад Тэрэспаль. Абстрэлам былі знішчаны асвятляльныя мачты на мяжы з Беларуссю.
