Ябацьцы з Гомеля далі два гады «хіміі» за паклёп на супрацоўнікаў вайсковага камісарыяту, якіх яна прыняў за пратэстоўцаў

Лукашыстцы давялося прасіць прабачэння ва ўсіх, хто адпачываў у бел-чырвона-белым намёце.

Суд Добрушскага раёна Беларусі даў 44-гадовай мясцовай жыхарцы Таццяне Казаковай два гады "хатняй хіміі" (абмежаванне свабоды без накіравання ў папраўчую ўстанову адкрытага тыпу), яе прызналі вінаватай у паклёпе (артыкул 188 КК) на супрацоўнікаў вайсковага камісарыяту, паведамляе праваабарончы сайт "Гомельская вясна".

На хадайніцтва пракурора працэс прайшоў у закрытым рэжыме.

Са слоў самой Казаковай, 7 траўня яна шпацыравала каля дома і ўбачыла бел-чырвоны намёт і некалькі чалавек побач. Жанчына зняла гэта на відэа.

"Выйшла на прабежку, надумала заняцца спортам. Хтосьці адпачывае ў нас на рэчцы. Увогуле, высвятляецца, наш вайсковы камісарыят Добрушскі сёння адзначае свята побач з домам", - кажа жанчына на відэа. Ролік пад назвай "Бчбшнікі вайсковы камісарыят Добруш" выклалі на канале Anonim Belarus. Фонам іграе песня "Перемен" гурта "Кіно".

Як піша "Гомельская вясна", восем супрацоўнікаў вайсковага камісарыяту напісалі ў міліцыю заяву з просьбай прыцягнуць аўтара відэа да адказнасці за паклёп. Падчас следства абвінавачаная Таццяна Казакова прызнала сваю віну і папрасіла прабачэння ва ўсіх пацярпелых.

“Лукашэнка супраць гэтай сімволікі БЧБ. Я шпацыравала, убачыла гэты намёт з белымі і чырвонымі палосамі. Ён мне падаўся падобным да БЧБ-сімволікі пратэстаў супраць Лукашэнкі. Я за яго заўсёды галасую, ніколі не хадзіла на акцыі, пратэсты ні ў Добрушы, ні ў Гомелі. Таму і надумала зняць гэтае відэа”, – патлумачыла свой учынак Казакова.

Пацярпелыя ў справе пазову аб кампенсацыі маральнай шкоды не падавалі.